اتنين ستات ، كل واحدة في مطبخها بتقشر بصل و عنيها بتوجعها و عمالة تدمع....
الاولي، من جواها عمالة تهري و تمكت في نفسها "قطعت الجواز و سنينه! ما انا كنت قاعدة مرتاحة في بيت اهلي! يللا بالسم الهاري!!"
اما التانية، من جواها بتقول "يا رب انا بعمل كل ده عشانك! يا رب ارضي عني يا رب! يا رب خلي عملي ده في ميزان حسناتي!"
صحيح، الاتنين دول بيعملوا نفس الحاجة بالظبط من بره، بس من جوا الفرق كبير قوي! الست التانية دي جددت نيتها و اخدت علي عمل صغير قوي زي تقشير البصل حسنات كتير قوي بأذن الله! انما بقي الست التانية، طبعا الله اعلم ربنا بحسابها، بس احساسي بيقوللي ان الغلبان جوزها ممكن يجيلوا تسسم من كتر الغل اللي في الاكل
:D
باب الحسنات مش بس مقفول علي الصلاة و الصوم و الصدقة، لأ ده باب واسع قوي، عشان ربنا كريم قوي! آى حاجة ممكن تكون بتعملها، مهما كانت صغيرة (و تكون طبعا مش حرام)، ممكن تاخد حسنات عليها ان شاء الله، بس جدد نيتك! يعني في مذاكرتك، في شغلك، في شغل البيت، في تريبة ولادك، حتي لو في خروجك مع اصحابك بينة انك تتبسط شوية عشان ترجع تسعي في مرضاة الله...
يااااه! شوفوا كرم ربنا قد ايه؟ الحمدلله هلي نعمة الاسلام :) متنسوش بقي كل يوم الصبح، تجددوا نيتكوا :) :)
اللهم إجعل أعمالنا خالصة لوجهك الكريم ولا تشرك بها أحدا :)
