يا جماعة، عايزين نعمل حملة "كفاية فتي بقي".....
اما تسمع رأي الشيوخ "الموثوق فيهم طبعا" بيقولوا ان كذا حرام او كذا حلال، و انت من جواك مقتنع 100% بالعكس،انت حر مع نفسك! بس ارجوك "متفتيش"... خلي رأيك لنفسك!
لازم نعرف ان زي ما في صدقة جارية، في برده سيئة جارية! يعني لو رأيك ده طلع غلط، مش بس هتتحاسب علي ذنبك! ده انت هتتحاسب علي ذنبك و ذنب اللي سمعلك و ذنب اللي سمع للي سمعلك و هكذا!
طب ليه؟ هو احنا اصلا مستحملين ذنوبنا لوحدنا! انت حر تعمل اللي انت عايزه بس مش عشان تحس بالرضا عن نفسك تحلل او تحرم علي مزاجك! علماء الدين دول عشان يقدروا يفتوا بيقروا و يدرسوا و يتعلموا كتييييييييير قوي! و لو افتوا بحاجة غلط هيتحاسبوا علي كل انسان سمع منهم! احنا مش مؤهلين لده!
هتقوللي "يعني انا بمفهمش، ولا ممكن يبقوا غلط ولا هو انا معنديش دماغ افكر!" لأ عندك، و فكر يا سيدي براحتك و اعمل اللي انت عايزه، ما انت اللي هتستحمل نتيجة اختيارك سواء صح او غلط! بس خاف علي نفسك، و متتحملش مسئولية حد تاني، عشان دي مسئولية انت مش قدها...
:)
